🌞ကိလေကင်းစင်
စက္ခုံလွှာလေး
ပြေပြေမှေးလို့
တည်ငြိမ်မတ်မတ်
နေခဲ့ပြီ
🌻အာရုံတစ်ပါး
စိတ်မသွားဖို့
ဝင်သက်လေရဲ့
မှန်မှန်တိုးတဲ့
ထိတွေ့မှုလဲ
သိခဲ့ပြီ
🌻သိမ်မွေ့ညင်သာ
နွေးရိပ်ဖြာတဲ့
ထွက်လေလေးရဲ့
ဖြည်းစွာတိုးထွက်
အသိဓာတ်လည်း
ရခဲ့ပြီ
🌻ဝင်သက်ထွက်သက်
ဤနှစ်ရပ်၏
ထိန်းချုပ်မခံ
သဘောအမှန်
ဖြစ်ဟန်ကိုလည်း
နားလည်ပြီ
🌻ဝင်သက်ထွက်သက်
ပေါ်ဖြစ်ပျက်၏
မမြဲသဘော
ဥာဏ်မြင်ပေါ်တော့
မတည်မြဲခြင်း
သိခဲ့ပြီ
🌻ခဏငယ်တိုင်း
ဝင်သက်ထွက်သက်
သဘောသရုပ်
မြင်သိမိလို့
ကြိမ်ကြိမ်ပီတိ
ဖြစ်ခဲ့ပြီ
No comments:
Post a Comment