"ဓမ္မံသရဏံ ဂစ္ဆာမိ " ဖြစ်ပါသလား

(ဗုဒ္ဓဘာသာဝင်တိုင်း ဖတ်သင့်သော တန်ဖိုးရှိတဲ့ ပို့စ်လေးတစ်ခုပါ။)

"ဓမ္မံသရဏံ ဂစ္ဆာမိ ဆိုတာ"
___________________

ဘုန်းကြီးတို့ ဗုဒ္ဓဘာသာဝင်တွေ သီလစောင့်တည်တိုင်း
သရဏံဂုံတည်တဲ့အခါ 'ဓမ္မံ သရဏံ ဂစ္ဆာမိ' လို့ဆိုကြတယ်။
ဤတရားသည်သာလျှင် ကိုးကွယ်ရာလို့ ဒီအဓိပ္ပာယ်တော့ သိပါလိမ့်မယ်။
သို့သော်ဒီ့ ထက်ပိုလေးနက်တဲ့ အဓိပ္ပာယ်ကိုသိဖို့ရာ
ဘုန်းကြီး အကျယ် ဟောပါ့မယ်။

★ ဓမ္မ ဆိုတဲ့စကားလုံးကို ပါဠိဘာသာမှာ ပါရှိတဲ့စကားလုံးဖြစ်လို့
မြန်မာလိုပြောမယ်ဆိုရင် သဘာဝတရားလို့ အဓိပ္ပာယ်ရတယ်။
'ဓမ္မ' ဆိုတဲ့ သဘာဝတရားဟာ မည်သူတစ်ဦးတစ်ယောက်ကမှ
ပိုင်ဆိုင်တာမဟုတ်ဘူး။

လောကကြီးမှာရှိတဲ့ လူအားလုံးနဲ့ သက်ဆိုင်တဲ့ သဘာဝတရား။
သဘာဝတရားဆိုတာ အမျိုးမျိုးရှိတယ်။ 
'ဓမ္မံ သရဏံ ဂစ္ဆာမိ' ဓမ္မကို ကိုးကွယ်ရာဟူ၍ ဆည်းကပ်ပါ၏။
အဲလို ပါးစပ်ကဆိုလိုက်ရုံနဲ့ 'ဓမ္မံ သရဏံ ဂစ္ဆာမိ' ကိစ္စပြီးသွားပလား?
ဘယ်လိုအဓိပ္ပာယ်ရောက်မှ၊ ဘယ်အတိုင်းအတာထိရောက်မှ
'ဓမ္မံ သရဏံ ဂစ္ဆာမိ' ဆိုတာ ပြီးပြည့်စုံမလဲဆိုတာ
ဘုန်းကြီးတို့ မသိသင့်ဘူးလား။

မြတ်စွာဘုရားက ဓမ္မကိုဟောတယ်ဆိုတာ ဒီ ဓမ္မဆိုတဲ့
သဘာဝတရားတွေဟာ မြတ်စွာဘုရားပွင့်လာမှ ရှိလာတာမဟုတ်ဘူး။
ရှေးတုန်းကတည်းက ဒီသဘာဝတရားတွေဟာ ရှိနေတယ်။
အမြဲတမ်းရှိနေတဲ့ မှန်ကန်တဲ့သဘာဝတရားတွေ။
ထိုသဘာဝတရားတွေဟာ ထူးခြားတဲ့အသိဥာဏ်ရှိတဲ့
ဗုဒ္ဓ ဆိုတဲ့ ပုဂ္ဂိုလ်ပေါ်လာမှ ဗုဒ္ဓက ထုတ်ဖော်ရှင်းပြခဲ့တာ။

'ဗုဒ္ဓ' ဆိုတဲ့ ပုဂ္ဂိုလ်မပေါ်ခဲ့ရင် 'ဓမ္မ' ဆိုတဲ့ သဘာဝတရားတွေကို
ပြည့်ပြည့်စုံစုံရှင်းပြနိုင်တဲ့သူရှိမှာမဟုတ်ဘူးတဲ့။
ဗုဒ္ဓကသာလျှင် ဓမ္မကိုပြည့်ပြည့်၀၀ ရှင်းပြနိုင်တာ။
သို့သော် 'ဓမ္မ' ဆိုတာ လောကကြီးမှာ အမြဲရှိနေတဲ့ 'The Law of Nature'
မြတ်စွာဘုရားက ဓမ္မ ကိုတီထွင်ခဲ့တာမဟုတ်ဘူး။
မြတ်စွာဘုရားက 'ဓမ္မ' ကိုတွေ့ရှိတာသာ ဖြစ်တယ်။
ဖန်တီးသူ မဟုတ်ဘူး။

တစ်နည်းအားဖြင့် တွေ့တယ်ဆိုတာ သိရှိသူ။
အဲဒါကြောင့်မို့ ဗုဒ္ဓဆိုတဲ့ အဓိပ္ပာယ်ကိုက အမှန်တရားကိုတွေ့ရှိသူလို
အဓိပ္ပာယ်ရတယ်။ သာမန်သိတဲ့လူကို ဗုဒ္ဓလို့ မခေါ်နိုင်ဘူး။
အမှန်တရားကို အားလုံးပြည့်ပြည့်စုံစုံ ခြွင်းချက်မရှိ
သိတဲ့လူကိုသာ 'ဗုဒ္ဓ' လို့ခေါ်တာ။

ဒါကြောင့်မို့လို့ သရဏံဂုံသုံးပါးမှာ ဒီ ဓမ္မကိုထုတ်ဖော်ဟောပြောနိုင်တဲ့၊
ဓမ္မကိုတွေ့ရှိတဲ့ ပုဂ္ဂိုလ်မို့လို့ 'ဗုဒ္ဓံ သရဏံ ဂစ္ဆာမိ' လို့ဆိုကြတယ်။
ပြီးတော့ အဲဒီ ပုဂ္ဂိုလ်အရှင်သူမြတ်တွေ့ရှိခဲ့တဲ့
တရားကို 'ဓမ္မံ သရဏံ ဂစ္ဆာမိ' လို့ဒီလိုဆိုတယ်။
အဲဒီ မြတ်စွာဘုရားတွေ့ရှိတဲ့ ဓမ္မတွေကိုလက်တွေ့ကျင့်သုံးလို့
ပေါက်မြောက်သွားတဲ့ အဖွဲ့အစည်းတစ်ရပ်ကို
'သံဃံ သရဏံ ဂစ္ဆာမိ' လို့ ဒီလိုဆိုကြတယ်။

ဒါကိုပဲ ရတနာသုံးပါးလို့ ဒီလိုပြောဆိုကြတယ်။
သရဏံဂုံသုံးပါးလို့လည်း ပြောကြတယ်။

အဲတော့…
ဒီသဘာဝတရား 'ဓမ္မ' ဆိုတာတွေဟာ မဖော်ထုတ်ရင် မသိဘူး။
ဖော်ထုတ်တဲ့သူရှိမှ သိမှာ။ အဲလို ဖော်ထုတ်တာကလည်း
ရိုးရိုးတန်းတန်း သာမန်လူမရဘူးတဲ့။ လေးသင်္ချေနဲ့
ကမ္ဘာတစ်သိန်း ပါရမီဖြည့်လာတဲ့ ဗုဒ္ဓမြတ်စွာလို လူပဲရမှာ။
အဲဒီလို ဖော်ထုတ်လိုက်တဲ့ တရားတွေဟာလည်း ရတနာတွေ။
ရတနာတွေဆိုတာ လူတိုင်းသုံးနိုင်ပါ့မလား ?
ရတနာဆိုတာ အတုလံ ဒုလ္လပတ် ဒသနံ။
★ တွေ့ဖို့ ခဲယဉ်းတာ ရတနာ။
★ ဓမ္မ ဆိုတာလည်း ရတနာပဲ။

ဒီပင်္ကရာ မြတ်စွာဘုရားပွင့်ပြီးနောက် မရေမတွက်နိုင်တဲ့
အသင်္ချေပေါင်းများစွာ ကမ္ဘာတွေလွန်ပြီးနောက် မင်္ဂလ ဘုရားပွင့်တယ်။
အဲဒီ ဘုရားနှစ်ဆူကြားထဲက ကာလမှာ ဓမ္မ ဆိုတာ ပျောက်ကွယ်သွားတယ်။
'ဓမ္မံ သရဏံ ဂစ္ဆာမိ' ဆိုတာ မရှိတော့ဘူးတဲ့။

ဒီပင်္ကရာမြတ်စွာဘုရားလက်ထက်မှာ ဂေါတမမြတ်စွာဘုရားအလောင်းတော်
သုမေဓာရသေ့ က ဘုရားဆုပန်တယ်။ အဲဒီနောက် လေးအသင်္ချေနဲ့
ကမ္ဘာတစ်သိန်းကြာပြီးမှ နာရဒမြတ်စွာဘုရားကြားမှာ ဘုရားပွင့်တယ်။
အဲဒီကြားထဲမှာ ရေတွက်လို့ မရတဲ့အသင်္ချေပေါင်း ၄ ခါကြုံလို့
လေးအသင်္ချေလို့ခေါ်တာ။ နောက် ရေတွက်လို့ရတဲ့ကမ္ဘာက တစ်သိန်း။
ဒီပင်္ကရာမြတ်စွာဘုရားနဲ့ ကောဏ္ဍညမြတ်စွာဘုရားကြားမှာ တစ်သင်္ချေ။
ကောဏ္ဍညမြတ်စွာဘုရားနဲ့ မင်္ဂလမြတ်စွာဘုရားကြားမှာ တစ်သင်္ချေ။
သောဘိတမြတ်စွာဘုရားနဲ့ တစ်သင်္ချေ၊
အနောမဒဿီမြတ်စွာဘုရားနဲ့ ပဒုမုတ္တရမြတ်စွာဘုရားကြားမှ တစ်သင်္ချေတဲ့။
အဲဒီတော့ ဓမ္မဆိုတာ ဘယ်လောက်တန်ဖိုးရှိသလဲ စဉ်းစားကြည့်။
တွေ့ဖို့လွယ်လား။
မလွယ်ဘူးနော်။
ခဲယဉ်းတယ်။

အဲဒီတော့ ဂေါတမမြတ်စွာဘုရား မတိုင်မှီ ကဿပမြတ်စွာဘုရားရှင်အထိ
အားလုံးပေါင်း ၂၄ ဆူသောမြတ်စွာဘုရားရှင်တို့ ပွင့်တော်မူခဲ့ကြတယ်။
ပေါတမမြတ်စွာဘုရားကို ထည့်လိုက်တဲ့အခါ ၂၅ ဆူ။
ဒီပင်္ကရာမြတ်စွာဘုရားနဲ့ တူတူပွင့်တာက ၃ ဆူ။
အားလုံးပေါင်း ၂၈ ဆူ။
နှစ်ကျိပ်ရှစ်ဆူဆိုတာ အဲဒါပဲနော်။

ဂေါတမ ဘုရားအလောင်းဗျာဒိတ်ခံခဲ့တာက ၂၄ ဆူ။
၂၄ ပါးပဲ ဗုဒ္ဓ ဆိုတာကိုတွေ့ခဲ့ရတယ်။
အဲဒီ ၂၄ ပါးသည်သာလျှင် ဓမ္မကို ထုတ်ဖော်ဟောကြားနိုင်ခဲ့တယ်။
ကျန်တဲ့ပုဂ္ဂိုလ်တွေ ဓမ္မကို ထုတ်ဖော်ဟောကြားနိုင်ခြင်း မရှိဘူးတဲ့။

မြတ်စွာဘုရားကို ကိုးကွယ်တာဟာ
စီးပွားတက်ချင်လို့ ကိုးကွယ်တာရှိတယ်။
ကြောက်လို့ ကိုးကွယ်တာရှိတယ်။
တစ်စုံတစ်ခုကြောင့် အကာအကွယ်လုပ်ချင်လို့
ကိုးကွယ်တာရှိတယ်။ မျိုးစုံပေါ့လေ။
ဘယ်လိုကိုးကွယ်ရမလဲ မှန်ကန်တဲ့စိတ်ထား
ဘယ်လိုထားရမလဲဆိုတော့….

★ ဘုရားဆိုသည်မှာ
မိမိရဲ့သန္တာန် ကျရောက်လာမယ့် မကောင်းကျိုးတွေကို
ဖြစ်ပေါ်စေတတ်တဲ့ အကြောင်းတရားတွေကိုဖယ်ရှားပြီး
ကောင်းကျိုးချမ်းသာကို ညွန်ပြပေးတဲ့အတွက် ကိုးကွယ်တယ်။
ဒီလိုနည်းနဲ့ ကိုးကွယ်ရမယ်နော်။ ★

'ဘ၀တု သဗ္ဗမင်္ဂလံ၊
ရက္ခန္တု သဗ္ဗဒေ၀တာ။
သဗ္ဗ ဗုဒ္ဓါ နုဘာဝေန၊
သဒါ သုခီ ဘ၀န္တု တေ။'

အဲဒီဂါထာလေး အဓိပ္ပာယ်ကို ဘုန်းကြီးရှင်းပြမယ်။
သဗ္ဗ ဗုဒ္ဓါ နုဘာဝေန အလုံးစုံသောဘုရားရှင်တို့ရဲ့
တန်ခိုးတေဇော အာနုဘော်တို့ကြောင့်၊
သဒ္ဒါအခါခပ်သိမ်း၊ သုခီ ချမ်းသာ၊ ဟောတု ဖြစ်ပါစေ။
ဒီလို တစ်ချို့က အဓိပ္ပာယ်ပြန်ကြတယ်။
အဲဒီလို အဓိပ္ပာယ်ပြန်တော့ ဘယ်လိုဖြစ်သွားလဲဆိုရင်
မြတ်စွဘုရားရဲ့ တန်ခိုးအစွမ်းကြောင့် ချမ်းသာပါစေလို့ဆိုတော့
ဘုရားက သူ့ရဲ့တန်ခိုးအာဏာ ပါဝါတွေကို အသုံးပြုပြီး
သတ္တ၀ါတွေကို ကယ်တင်တယ်ဆိုတဲ့ အဓိပ္ပာယ်မရောက်ဘူးလား။
အဲဒီအဓိပ္ပာယ် ပြန်ဆိုချက် မမှန်ဘူးနော်။

ဘယ်လိုပြန်ဆိုရမလဲဆိုတော့ သဗ္ဗ ဗုဒ္ဓါ နုဘာဝေန၊
အလုံးစုံသော မြတ်စွာဘုရားရှင်တို့ရဲ့ ဂုဏ်ကိုအာရုံပြုကာ
ကိုးကွယ်ပူဇော်ရတဲ့အစွမ်း အာနုဘော်ကြောင့်၊
သဒါ သုခီ ဘ၀န္တု တေ အစဉ်ထာဝရ ချမ်းသာသုခ ရပါစေ။
အဲလိုပြန်ဆိုမှ မှန်ကန်တယ်။ အဲလိုဆိုလိုက်တော့
ဘုရားကို အာရုံပြုပြီးဖြစ်ပေါ်လာတဲ့ ကုသိုလ်ကိုပြောတာ။
ဓမ္မ ကိုပြောတာ။
ကုသိုလ်ဆိုတာ ဓမ္မပဲ။
ဓမ္မံသရဏံ ဂစ္ဆာမိ ဆိုတဲ့နေရာမှာ
ဓမ္မကိုကျင့်သုံးမှ ဓမ္မံသရဏံ ဂစ္ဆာမိလို့ မှတ်ရမယ်။

ဓမ္မကိုကျင့်သုံးလို့ ကိုယ်ချမ်းသာ စိတ်ချမ်းသာ ဖြစ်နေတဲ့လူတွေလည်း အများကြီး။
ဒါပေမယ့် အိုခြင်း နာခြင်း သေခြင်း ဆိုတဲ့တရားတွေကနေ မကျော်လွန်နိုင်သေးဘူး။
ဓမ္မ ရဲ့စွမ်းဆောင်ချက်က နောက်ဆုံး ဒီ အိုခြင်း နာခြင်း သေခြင်း ဆိုတဲ့
အရာတွေကို ကျော်လွားနိုင်မှ ဓမ္မ ဟာပြည့်စုံတယ်လို့ ပြောရမယ်။

★ မေတ္တာတရားကို မိမိရဲ့နှလုံးသားထဲမှာ တည်ဆောက်တာ
လိုက်နာကျင့်သုံးသာသည်လည်း ဓမ္မံသရဏံ ဂစ္ဆာမိ ပဲ။
အဲလိုမဟုတ်ပဲ ပါးစပ်ကတော့ ဓမ္မံသရဏံ ဂစ္ဆာမိ၊
ဒါပေမယ့် အမုန်းတရားတွေကို လက်ခံကျင့်သုံးနေတာဆိုလျှင်
ဓမ္မံသရဏံ ဂစ္တာမိ မဖြစ်နိုင်ဘူး။

★ ထို့အတူပဲ အမောဟ တဲ့၊ အသိပညာတွေရှိဖို့ လိုတယ်။
အသိပညာဆိုတာ လုပ်သင့်တာနဲ့ မလုပ်သင့်တာ ခွဲခြားသိရမယ်။
အနည်းဆုံး အောက်ထစ်ဆုံး မလုပ်သင့်တာကို ရှောင်ဖို့၊
လုပ်သင့်တာကိုလုပ်ဖို့ ခွဲခြားသိရမယ်။

★ အဲဒီတော့ မိမိသန္တာန်မှာ
လောဘကိုဖယ်ရှားပြီး အလောဘ ကိုတည်ဆောက်တယ်။
ဒေါသကိုဖယ်ရှားပြီး အဒေါသ ကိုတည်ဆောက်တယ်။
မောဟကို ဖယ်ရှားပြီး အမောဟဆိုတဲ့ ပညာတရားကို တည်ဆောက်တယ်။
အဲဒါဆိုရင် ဓမ္မံသရဏံ ဂစ္ဆာမိ ပဲ။
အဲဒီလိုမှ မလုပ်ဘူးဆိုရင် ပါးစပ်ကဆိုတဲ့ ဓမ္မံသရဏံ ဂစ္ဆာမိသည်
အကျိုးတရားတွေကို ထွက်ပေါ်လာစေမှာမဟုတ်ဘူး။
အဲဒါကြောင့်မို့ တရားတွေကို လက်ခံကျင့်သုံးရတယ်။

အေး..... 
ဓမ္မံသရဏံ ဂစ္တာမိ ဆိုတာ ဒီ့ထက်အဆင့်မြင့်သေးတယ်။
ဘ၀ကန္တာရကနေ ထုတ်ဆောင်ပေးတယ်တဲ့။
ဘ၀ကန္တာရဆိုတာ ဘာလဲဆိုတော့ ဘုန်းကြီးတို့ သိထားတဲ့
ဘ၀ကြီးဟာ ကျေနပ်စရာကောင်းတဲ့ဘ၀လား ပြန်စဉ်းစားကြည့်။
လူမှုရေး စီးပွားရေးအခက်အခဲတွေက ထားပါတော့
လူတိုင်း ကြုံချင်မှ ကြုံကြမှာ။

ဒါပေမယ့် အိုခြား နာခြင်း သေခြင်း
ဆိုတာတွေကတော့ လူတိုင်းကြုံမှာ။
အာဏာရှင်လည်း တစ်နေ့ အိုမှာပဲ။
အာဏာမရှိတဲ့လူလည်း တစ်နေ့ အိုမှာပဲ။
လူဝတ်ကြောင်လည်း အိုမှာပဲ။
ဘုန်းကြီးတွေလည်း အိုမှာပဲ။

အဲဒီတော့ အိုခြင်း နာခြင်း သေခြင်း ဆိုတာလည်း ကန္တာရတွေပဲ။
အဲဒီ ကန္တာရတွေကို ကျော်လွားနိုင်တဲ့လူရှိလား။ မရှိနိုင်ဘူး။
အဲဒါကို ဘ၀ကန္တာရလို့ ခေါ်တယ်။ အဲဒီ ကန္တာရတွေထဲက
ကယ်ထုတ်နိုင်တာကတော့ ဓမ္မပဲတဲ့။
သဘာဝတရားတွေကိုသိအောင်၊
သတ္တ၀ါဆိုတဲ့ အတွေးကို ပျောက်သွားအောင်
သဘာဝတရားတွေချည်းသိရှိလာတာကို
နာမရူပ ပရိစ္ဆေဒညဏ် လို့ခေါ်တယ်။

ဒီသဘာဝတရားတွေဟာ ဆိုင်ရာဆိုင်ရာ အကြောင်းတွေကြောင့်
ဖြစ်လာတယ်ဆိုတာကိုသိရင် ပစ္စယပရိဂ္ဂဟဥာဏ် လို့ခေါ်တယ်။
အဲဒီကနေ တစ်ဆင့် သဘာဝအတွက် တရားတွေကို စဉ်းစားကြည့်လိုက်တဲ့အခါ
သဘာဝတရားတွေဟာ ဖြစ်ပြီးတော့ ပျက်နေတာပဲလို့ အမြင်တွေမြင်လာပြီး
ဒီသဘာဝတရားတွေဟာ ငြီးငွေ့စရာပဲ၊ ကြောက်စရာပဲ၊ လန့်စရာပဲ၊
ဒီသဘာဝတရားတွေက လွတ်အောင်ကြိုးစားမှပဲဆိုတဲ့
အသိဥာဏ်လေး ၀င်လာလို့ရှိရင် ဒါ ၀ိပသာနာဥာဏ် လို့ခေါ်တယ်။

လောဘရယ် ဒေါသရယ် မောဟရယ်
ဒီအကုသိုလ်တွေကလွတ်သွားတာကို ၀ိမုတ္တ လို့ခေါ်တယ်။
စိတ်ကလေးဟာ အာရုံနဲ့တော့ တွေ့တယ်။
ဒါပေမယ့် ထိုအာရုံရဲ့ ကြားထဲမှာ လွတ်သွားတယ်။
အဲဒါ Glue မရှိတော့တာ။
စက္ကူလေးနှစ်ခုဟာ ထိတော့ထိနေတယ်။
ဆိုပါစို့ စာရွက်လေး ၂ ခုထိထားတယ်။
အဲဒီ စာရွက် ၂ ခုကြားမှာ ကော်မပါဘူးဆိုရင် ခွဲလို့မရဘူးလား။
ရတယ်။ လူတွေရဲ့စိတ်မှာ ခွဲမရဘူးဆိုတာက ကော် ပါနေလို့ ခွဲမရတာ။

ဟုတ်လား။
ကော်က ရိုးရိုးကောတောင်မဟုတ်ဘူး Super Glue ဖြစ်နေတယ်။
အဲဒီတော့ အာရုံနဲ့ စိတ်နဲ့ ဘယ်လိုပဲတွေ့တွေ့
လောဘမလာဘူး၊ ဒေါသမလာဘူးဆိုရင် ညှိနေပါ့မလား။
ဘယ်ညှိမလဲနော်။ အဲဒါကို ၀ိမုတ္တ လို့ခေါ်တာ။
လွတ်လပ်သွားပြီလို့ ပြောတာ။

★ ဓမ္မ ကို Pratise လုပ်တယ်ဆိုတာ
အဲဒီလိုလွတ်သွားပြီဆိုတဲ့ အဆင့်ထိအောင် အားထုတ်ရမှာ။
အဲဒီလိုလွတ်သွားပြီဆိုရင် ဘ၀ဆိုတဲ့ ကန္တာရခရီးကြမ်းကြီးကို
နောက်ထပ် ရင်ဆိုင်စရာ မရှိတော့ဘူး။
ရင်ဆိုင်စရာမရှိရုံတင်မကဘူး၊ အသာသ ဒါနတဲ့။
သံသရာကြီးထဲမှာ ပင်ပန်းခဲ့ရတာတွေ အကုန်လုံးငြိမ်းသွားတယ်။
အသောကံ ၀ရဇံ ခေမံ ဆိုတာ အဲဒီကျမှလာတာ။
စိတ်ကလေးမှာ လောဘလည်းမလာဘူး။
ဒေါသလည်းမလာဘူး။
မောဟလည်းမလာဘူး။
စိတ်ကလေးငြိမ်းချမ်းသွားပြီ။
ဓမ္မံသရဏံ ဂစ္ဆာမိ ဆိုတာ
အဲဒီအဆင့်ထိရောက်အောင် သွားရမယ်တဲ့။

ရှင်သာရိပုတ္တရာတို့ ရှင်မဟာမောဂ္ဂလန်တို့ ရဟန္တာတွေဟာ
ဓမ္မံသရဏံ ဂစ္ဆာမိကို အပြည့်အ၀ ကျင့်ကြံကြိုးကုပ်
အားထုတ်လိုက်ကြသည့် အတွက်ကြောင့် နောက်ဆုံးမှာ
နိဗ္ဗာန်ကိုမျက်မှောက်ပြုသွားကြတယ်။

အေး... အဲဒါသည် အပြည့်ဝဆုံး အစစ်မှန်ဆုံး
ဓမ္မံသရဏံ ဂစ္တာမိ ဖြစ်ပါတယ်။ ဒါကြောင့်
ဓမ္မ ဆိုတဲ့နေရာမှာ မဂ်လေးတန် ဖိုလ်လေးတန်
နိဗ္ဗာန် ဆိုတဲ့ လောကုတ္တရာ တရား ၉ ပါး။
အဲဒီ လောကုတ္တရာ တရား ၉ ပါးကို
ကိုယ်ကိုတိုင် မျက်မှောက်ပြုရပြီဆိုရင်
ဓမ္မံသရဏံ ဂစ္တာမိ ပြီးပြည့်စုံတယ်လို့မှတ်။

အဲဒါတွေအတွက် ဘယ်ကစရမလဲဆိုတော့
★ သီလ ကျင့်တာသည်လည်း ဓမ္မံသရဏံ ဂစ္ဆာမိ ပဲ။
★ ဒါန ကောင်းမှုလုပ်တာသည်လည်း ဓမ္မံသရဏံ ဂစ္ဆာမိ ပဲ။
★ စိတ်ကောင်းနှလုံးကောင်း ထားတာသည်လည်း ဓမ္မံသရဏံ ဂစ္ဆာမိ ပဲ။
★ အားလုံးဟာ ဓမ္မံသရဏံ ဂစ္ဆာမိ ထဲအကျုံးဝင်တယ်။
★ သို့သော် အဲဒါတွေဟာ အခြေခံအဆင့်တွေလို့ အောက်မေ့ထား။

ဒါကြောင့် တရားနာပရိတ်သတ်အပေါင်း သူတော်ကောင်းတို့ကလည်း
ဓမ္မံသရဏံ ဂစ္ဆာမိ ရဲ့အဓိပ္ပာယ်ကို သေသေချာချာ သဘောပေါက်
နားလည်ပြီးသကာလ ဒို့တရားကို ကိုးကွယ်သည်ဆိုသည်မှာ
တရားအတိုင်း လိုက်နာကျင့်သုံးလိုက်ရမှာဖြစ်တယ်လို့ နားလည်ပြီး
ဓမ္မံသရဏံ ဂစ္ဆာမိ တရားကို လိုက်နာကျင့်သုံး နိုင်ကြစေကုန်သတည်း။

တရားတော်ပြီးပါပြီ။
မှတ်ချက်။
ပါမ္ခောချုပ်ဆရာတော် ဒေါက်တာနန္ဒမာလာဘိဝံသ အရှင်သူမြတ်
ဟောကြားတော်မူသော ဓမ္မံသရဏံ ဂစ္တာမိ တရားတော်ကို
ကိုယ်တိုင်နာယူမှတ်သား၍ ပြန်လည်စာစီစာရိုက်ခြင်းပြုကာ
ကုသိုလ်ပြု တင်ဆက်လိုက်ခြင်း ဖြစ်ပါတယ်ခင်ဗျာ။
ဆရာတော်ကြီးပြောသမျှ တစ်လုံးမကျန်သော်၎င်း၊
ပါဠိလို အပြည့်အစုံ မဖော်ပြနိုင်ခြင်းဌာ၎င်း
ခွင့်လွတ်ပေးကြပါလို့ အားလုံးကို မေတ္တာရပ်ခံ
တောင်းပန်အပ်ပါတယ်ခင်ဗျာ။

တရားတော်အပြည့်အစုံကို နာယူချင်တယ်ဆိုရင်တော့
https://www.youtube.com/watch?v=-v3Yx15myuU&feature=related
မှာ သွားရောက်နာယူနိုင်ပါတယ်ခင်ဗျာ။

★ (စာရိုက်ပူဇော်ရေးသားသူ - Htoo Tint Naing) ★